PILOT · 14 DAYS
جرّب الأتمتة 14 يوم على شغلك — قبل ما تلتزم.
بدل ما تصدّق كلامنا، بنركّب workflow واحد لمتابعة العملاء على شغلك الحقيقي، وبنقيس رقم واحد قبل وبعد. وإذا كمّلت خلال 30 يوم، كل اللي دفعته بينخصم من الإعداد.
لمين هاي التجربة
إذا الطلبات بتوصلك وبتضيع، هاي إلك.
- شركة بتوصلها طلبات يومية على واتساب وإنستغرام والموقع
- فريق ما بيلحق يرد بسرعة، أو بينسى يتابع
- صاحب شغل بدّه يشوف النتيجة على شغله قبل ما يدفع على نظام كامل
- إدارة بدها رقم واضح بدل «حاسين إنه في رسائل بتضيع»
شو بيشمل
شو بتاخذ خلال الـ 14 يوم.
- جلسة بداية 30 دقيقة: من وين بتيجي الطلبات، ومين بيرد، وكيف بتتابعوا
- قياس «قبل» لوقت الرد الأول من سجل رسائلك، أول يومين
- workflow واحد: الطلب ← بطاقة عميل ← تنبيه للفريق ← تذكير متابعة
- ربط القناة أو القناتين اللي بنتفق عليهم بالمكالمة
- تدريب قصير لفريقك: مين بيوافق وكيف
- متابعة منّا طول الـ 14 يوم وتصليح أي اشي بيتعطّل
- تقرير نهائي بصفحة وحدة: الرقم قبل، الرقم بعد، والطريقة
مش ضمن التجربة: أكثر من workflow واحد، تصميم موقع أو هوية أو محتوى، وواتساب Business API الرسمي.
القياس
رقم واحد. نفس الطريقة قبل وبعد.
متوسط وقت الرد الأول على العميل المحتمل — من لحظة وصول الرسالة لأول رد من شركتك. ما بنوعدك برقم قبل ما نقيس.
قبل · يوم ١–٢
من سجل رسائلك الحالي
عيّنة من نفس القنوات اللي رح نربطها، ومكتوب كم رسالة ومن أي فترة.
بعد · آخر أيام التجربة
من سجل الـ workflow
بنفس طريقة الحساب بالضبط، حتى تكون المقارنة عادلة.
التقرير
الرقم زي ما هو
ما بنقرّب ولا بنجمّل. إذا ما تحسّن، بنكتب إنه ما تحسّن وليش. وما بننشر رقمك ولا اسمك بدون موافقتك المكتوبة.
شرط الخصم الكامل
وقّعت خلال 30 يوم؟ كل مبلغ التجربة بينخصم من الإعداد.
- الـ 30 يوم بتبدأ من آخر يوم بالتجربة.
- الخصم على سعر الإعداد بس، مش على الاشتراك الشهري.
- مرة وحدة، لنفس الشركة.
- بعد الـ 30 يوم، الخدمة متاحة بسعرها العادي بدون خصم مبلغ التجربة.
- إذا ما كمّلت: بتاخذ التقرير النهائي، ومبلغ التجربة ما بيرجع لأنه مقابل شغل وقياس انعمل فعلًا.
كيف بتمشي
من المكالمة للقرار.
- 01
مكالمة ٣٠ دقيقة
نفهم كيف بتوصلك الطلبات اليوم.
- 02
عرض مكتوب
النطاق والسعر الثابت وتاريخ نهاية نافذة الخصم.
- 03
قياس «قبل»
أول يومين، من سجل رسائلك.
- 04
تشغيل ١٤ يوم
الـ workflow شغّال على طلباتك الحقيقية.
- 05
التقرير والقرار
الرقم قبل وبعد — وإنت بتقرّر.
أسئلة شائعة
اللي بينسأل عن التجربة.
بدي خصم لأنه شغلكم بالذكاء الاصطناعي — مش لازم يكون أرخص؟
سعرنا مش على عدد الساعات، على النتيجة اللي بتوصلك: رد أسرع، متابعة ما بتضيع، وأرقام واضحة. الذكاء الاصطناعي بيخلّينا نسلّم أسرع وبجودة أعلى — وهاد لصالحك بالوقت، مش سبب إنه قيمة النتيجة تقل. وإذا بدك تتأكد قبل ما تدفع كامل، جرّبه 14 يوم على شغلك، وإذا كمّلت كل اللي دفعته بينخصم من الإعداد.
شو بالضبط بتقيسوا خلال التجربة؟
رقم واحد: متوسط وقت الرد الأول على العميل المحتمل، من لحظة وصول الرسالة لأول رد. بنقيسه من سجل رسائلك أول يومين، وبنقيسه بنفس الطريقة آخر أيام التجربة، وبنكتب الطريقة بالتقرير. إذا الرقم ما تحسّن، بنكتبها بصراحة.
متى بينخصم مبلغ التجربة من الإعداد؟
إذا وقّعت عقد الخدمة الكاملة خلال 30 يوم من آخر يوم بالتجربة، كامل مبلغ التجربة بينخصم من سعر الإعداد. الخصم على الإعداد بس، مش على الاشتراك الشهري، ومرة وحدة لنفس الشركة.
وإذا ما كمّلت بعد التجربة؟
بتاخذ التقرير النهائي فيه الرقم قبل وبعد — هو إلك. مبلغ التجربة ما بيرجع لأنه مقابل شغل وقياس انعمل فعلًا، وما في أي التزام عليك بعدها.
هل النظام بيبعت رسائل لعملائي لحاله؟
لا. القاعدة عندنا: الذكاء الاصطناعي يقترح، إنسان من فريقك يوافق، والنظام ينفّذ. ما في رسالة بتروح لعميل بدون موافقة.
ابدأ من هنا
احكيلنا عن طلباتك — وبنقلك إذا التجربة مناسبة إلك.
مكالمة ٣٠ دقيقة، ثم عرض مكتوب فيه النطاق والسعر الثابت وتاريخ نهاية نافذة الخصم. بلا التزام.